Tolosaldeko Hitza

Fernano Mugika eta Miguel Angel Blancoren senideek salaketa jarri dute, «Zizurkilgo plaza bat beraien ahaideen hiltzaileetako baten omenez izendatua dagoelako». Hauen ustez, «enparantza ETA-ko kide izan zen pertsona baten izenez deitzearekin, terrorismoaren etengabeko goratzarrea egiten da».

EFE ajentziak luzatutako datuen arabera, Ruben Mugica, alderdi sozialistako abokatu zenaren semeak eta Mari Mar Blanco, Ermuako zinegotzi erailaren arrebak herenegun jarri zuten salaketa Donostiako Guardiazko Auzitegian eta Madrilgo Plaza de Castillan. Ruben Mugicak azaldutakoaren arabera, «egunkari bat irakurtzen ari nintzela, bertan irakurritakoan jakin nuen Zizurkilen Jose Luis Geresta (Ttotto) ETAko kide zenaren omenez izendatua dago». Hau irakurri ondoren, zuzenean guardian zegoen epaitegira bideratu zen salaketa jartzeko. Bertan jartzen duenaren arabera, egoera honek terrorismoaren goratzarrea egiten du, zein hau Zigor Kodearen 578. artikuluan agertzen da, «terrorismoaren biktimei egindako irain gisa». Mugicak agertu du ere, ez dakiela noiztik dagoen plaka hori jarrita plazan, eta bere asmoa ez dela inoren aurka joatea. Bestalde, espero duena da, Donostiako auzitegia Audientzi Nazionalaren alde jartzea eta prozesu penal bat abian jartzea. Honela, «delitu» hau egin dutenak zeintzuk diren jakiteko eta zigortuak izateko. Honez gain, Gerestaren omenezko plaka kentzea ere administratiboki ere ekintza hori ezeztea.
Bestetik, Fernando Mugikaren semeak terrorismoaren gainontzeko kaltetuei deitu die, ekimen honekin bat egitera. Honez gain, antzeko egoerak salatzeko eskatu die. Deialdi bera egin zuene ere Mari Mar Blancok. Honek ere Zizurkilgo plazaren inguruko salaketa jarri zuen Madrilen. Bere esanetan, izendapen hau, «argi eta garbi iraina da».